Con máis de mil anos de antigüidade, temos igrexas que son reliquias vivas do pasado, representativas de estilos como o románico. Ese é o caso da Igrexa de San Pedro de Angoares, que polas súas características é única en Galicia e só atopamos unha similar, con planta de cruz latina e ábsida rectangular en Zamora. Un dos seus elementos máis singulares son os cazorros que podes contemplar ao redor da construción, cabezas da animais como lobos, touros ou felinos. O mosteiro beneditino data da segunda metade do século XII. Deste mesmo estilo son as Igrexas de San Estevo de Cumiar, San Salvador de Padróns e San Cibrán de Paredes.
Algúns dos templos presentan singularidades que merece a pena que as vexas cos teus propios ollos como o mural polícromo do século XVI de 48 metros cadrados da Igrexa San Nicolao de Prado que representa diferentes escenas da vida de Cristo, dende o nacemento ata a súa resurrección.
O románico é un estilo artístico que nace na Europa dos séculos XI e XII cunha linguaxe artística unitaria e internacional, conxugándose a variedade e multiplicidade segundo os países e rexións. Este estilo alcanzou un extraordinario desenvolvemento en toda Galicia, sobre todo a partir do segundo cuarto do século XI, é dicir, tras a finalización da Catedral de Santiago.
No municipio de Ponteareas existen diversas igrexas que conservan aínda vestixios da súa construción en época románica.
Goza destas igresas con características arquitectónicas únicas e interesantisimas.